Yn y gweithdy hwn bydd disgyblion yn darganfod byd rhyfeddol y lled-ddargludyddion o'u cwmpas trwy ddefnyddio pecynnau electronig i gasglu gwybodaeth am ddeunyddiau dargludol ac inswleiddio, polaredd trydanol a chydrannau lled-ddargludol.

Gan adeiladu ar y wybodaeth hon, bydd disgyblion wedyn yn defnyddio cymwysiadau cydrannau lled-ddargludol i gymhwyso eu gwybodaeth newydd mewn Sefyllfaoedd Dylunio.

Archebu gweithdy

Sut mae'n gweithio

Mae'r gweithdy hwn yn addas ar gyfer disgyblion Blynyddoedd 5 a 6 ac mae'n cymryd tua 1.5 - 2 awr gyda dosbarth o 30.

Does dim angen unrhyw ddysgu blaenorol mewn electroneg na deunyddiau ar gyfer y gweithdy, a bydd y disgyblion yn cael llawer o hwyl wrth ddarganfod sut y gellir defnyddio electroneg a lled-ddargludyddion.

Mae gweithdai wedi'u hariannu'n llawn ar gael ar gyfer ysgolion cynradd yn awdurdodau lleol De-ddwyrain Cymru: Blaenau Gwent, Pen-y-bont ar Ogwr, Caerffili, Caerdydd, Merthyr Tudful, Sir Fynwy, Casnewydd, Rhondda Cynon Taf, Torfaen a Bro Morgannwg (Prifddinas-Ranbarth Caerdydd) trwy ein prosiect CSconnected.  

Pam cymryd rhan

✔ Darperir yr holl offer ac adnoddau i gymryd rhan yn y gweithgaredd hwn gan EESW.

✔ Gellir darparu ar gyfer dosbarthiadau lluosog a grwpiau blwyddyn ym Mlynyddoedd 5 a 6, cam cynnydd 3.

✔ Mae'r gweithdy wedi'i fapio yn erbyn y Cwricwlwm i Gymru 2022 a'r fframwaith Llythrennedd a Rhifedd.

✔ Gellir teilwra'r gweithdy i gyd-fynd â thema addysgu neu gynllun gwaith presennol yr ysgol.

Bydd angen i ysgolion ddarparu taflunydd/sgrin i arddangos y cyfarwyddiadau a gofod ystafell ddosbarth addas i gynnal y gweithdy.