Yn y gweithdy Cartrefi Clyfar mae disgyblion yn dysgu sut i ddefnyddio synwyryddion ac actwaduron i fodelu system cartrefi cynaliadwy, rhyngweithiol ac ymatebol.

Mae'r sesiwn ymarferol hon yn rhoi i ddisgyblion sgiliau rhaglennu hanfodol, mae’n gofyn iddyn nhw ddefnyddio adnoddau cyffredin sylfaenol a bydd yn eu herio i ddehongli lluniadau technegol anghyfarwydd tra’n meithrin dealltwriaeth o fyw'n gynaliadwy a phwysigrwydd effeithlonrwydd ynni mewn cartrefi modern, clyfar.

Archebu gweithdy

Sut mae'n gweithio

Mae'r gweithdy hwn yn addas ar gyfer cam cynnydd 4 ac mae'n para tua 2 awr ar gyfer dosbarth o hyd at 30 o ddisgyblion sy'n gweithio mewn grwpiau bach.

Does dim angen unrhyw wybodaeth flaenorol. Yn ystod y cyfnod hwn bydd disgyblion yn codio, cydosod, profi ac arddangos eu Cartrefi Clyfar.

Gellir trafod amseriadau a dyddiadau wrth archebu'r profiad. 

Mae'r gweithdai hyn a ariennir yn llawn ar gael ar gyfer ysgolion cynradd yn awdurdodau lleol De-ddwyrain Cymru: Blaenau Gwent, Pen-y-bont ar Ogwr, Caerffili, Caerdydd, Merthyr Tudful, Sir Fynwy, Casnewydd, Rhondda Cynon Taf, Torfaen a Bro Morgannwg (Prifddinas-Ranbarth Caerdydd) trwy ein prosiect CSconnected.  

Pam cymryd rhan 

✔ Mae'r disgyblion yn mwynhau’r gweithdy ac yn croesawu'r cyfle i roi cynnig ar rywbeth newydd. 

✔ Anogir disgyblion i feddwl am y ffordd maen nhw’n defnyddio technoleg ddigidol a goblygiadau ehangach eu dewisiadau. 

✔ Cysylltiadau trawsgwricwlaidd cryf sy'n cefnogi pedwar diben Cwricwlwm i Gymru 2022 (Gellir mapio’r camau cynnydd yn llawn), gan gynnwys themâu cyffredin o gynaliadwyedd, meddwl beirniadol a dysgu cysylltiedig â gwaith. 

Darperir yr holl adnoddau ar gyfer cymryd rhan yn y gweithgaredd hwn gan EESW. Dim ond lle addas sydd angen i’r ysgol ei ddarparu, ynghyd â dyfeisiau megis gliniaduron neu Chromebooks gyda mynediad at y rhyngrwyd ac aelod o staff i'w goruchwylio.