Prosiect STEM Cymru I a II

Cronfa Gymdeithasol Ewrop – Gorffennaf 2010-Mehefin 2023 – Ardal Gorllewin Cymru a'r Cymoedd (Cydgyfeirio) Cymru

Prosiect tair blynedd oedd STEM Cymru yn wreiddiol, a gyflwynwyd trwy raglen ariannu Cronfa Gymdeithasol Ewrop 2007-2013.  Wedi sawl rownd lwyddiannus o estyniad, llwyddodd EESW gyda'i gais am ail brosiect o raglen ESF 2014 i 2020 ar gyfer prosiect dwy flynedd.  Cafodd hyn ei ymestyn eto, a daeth i ben ym mis Mehefin 2023 pan ddaeth cyllid yr UE i ben.  Mae EESW yn ddiolchgar i Swyddfa Cyllid Ewropeaidd Cymru am y cymorth yn ystod y cyfnod hwn o dair blynedd ar ddeg. 

Mae'r pum maes prosiect a gyflwynwyd ers 2010 yn cynnwys:

• Prosiect Chweched Dosbarth EESW
• Headstart Cymru
• F1 mewn Ysgolion
• i2E (Cyflwyniad i Beirianneg)
• Denu Merched i Faes STEM
• Un o elfennau'r prosiect oedd prosiect Chweched Dosbarth Cynllun Addysg Peirianneg Cymru, gan gysylltu timau o fyfyrwyr Blwyddyn 12 â chwmni lleol i weithio ar broblem ymchwil peirianneg go iawn. Mae'r prosiect yn para am 6 mis ac yn gorffen gyda digwyddiad gwobrwyo terfynol lle mae myfyrwyr yn cynhyrchu adroddiad ysgrifenedig ac yn cyflwyno eu canfyddiadau i banel o beirianwyr proffesiynol neu academyddion.  Mae'r digwyddiad gwobrwyo diweddaraf a gyflwynwyd yn ystod y prosiect i'w weld yma:

Digwyddiad a chyfweliadau Diwrnod Cyflwyno a Gwobrwyo EESW a Phrosiect F1 mewn Ysgolion, De Cymru

Uchafbwyntiau Diwrnod Cyflwyno a Gwobrwyo EESW a Phrosiect F1 mewn Ysgolion, De Cymru

Nod gweithdai i2E oedd gwella sgiliau, gan gynnwys cymhwysedd digidol, ac er mwyn hybu sgiliau cyflogadwyedd ehangach hefyd.  Oherwydd hyd cyllid STEM Cymru, cynlluniwyd y sesiynau i gwmpasu technolegau newydd wrth iddynt fod ar gael yn haws i ysgolion.  Datblygodd digwyddiadau Denu Merched i Faes STEM o'r elfen Denu Merched i Faes Peirianneg wreiddiol, i ddangos y rolau a gyrfaoedd amrywiol sydd ar gael a chynnig cyfle i ferched ymwneud â'r diwydiant cyn dewis eu pynciau TGAU. Headstart Cymru oedd y gweithgaredd olaf y gallai disgyblion gymryd rhan ynddo yn ystod Blwyddyn 12/13, er mwyn cael blas gwerth chweil ar y meysydd pwnc sydd ar gael i'w hastudio ar lefel addysg uwch.  

Tua diwedd cyllid yr UE, datblygwyd ein gweithgareddau i gyd-fynd â'r Cwricwlwm newydd i Gymru, ac ar themâu cynaliadwyedd a newid hinsawdd, gan gynnwys ynni adnewyddadwy a thyrbinau gwynt, llygredd aer, amaethyddiaeth gynaliadwy ynghyd â chodio, gyda'r nod o ysbrydoli'r genhedlaeth nesaf o weithlu'r dyfodol yma yng Nghymru. 

 

Cyflawniadau’r Prosiect

Yn ystod oes prosiect STEM Cymru I a II, fe wnaeth 22,676 o bobl ifanc gymryd rhan (10530 o fechgyn a 12146 o ferched). 

Dangosyddion Perfformiad Allweddol ar gyfer STEM Cymru (Gorffennaf 2010-Mehefin 2015)	Targed	Cyflawnwyd	% cyflawni
2100 - Nifer fu'n cymryd rhan	6085	7067 Bechgyn - 3307 Merched -3760	116%
2103 - Targed - Niferoedd yn ennill canlyniadau cadarnhaol eraill (adrodd yn flaenorol yn erbyn targed 2101 - Niferoedd yn ennill cymwysterau)	1759	1813 Bechgyn - 1121 Merched - 692	103%
2123 - Cyflogwyr yn cydweithio â darparwyr addysg/hyfforddiant	110	123	112%

 

Dangosyddion Perfformiad Allweddol ar gyfer STEM Cymru 2 (Gorffennaf 2015-Mehefin 2023)	Targed	Cyflawnwyd	% cyflawni
Pobl ifanc 11-19 oed	Bechgyn – 6287 Merched – 7166 Total - 13453	Bechgyn – 7223 Merched – 8386 Total - 15609	115% 117% 116%
Pobl ifanc 11-19 oed yn cwblhau hyfforddiant mewn STEM	Bechgyn – 2443 Merched – 1797 Total - 4240	Bechgyn – 2459 Merched – 1956 Total - 4415	101% 109% 104%
Pobl ifanc 11-19 oed sy'n parhau i astudio pwnc STEM ôl-16	Bechgyn – 641 Merched – 285 Total - 926	Bechgyn – 643 Merched – 326 Total - 969	100% 114% 104%

 

Profiadau cyn-fyfyrwyr Prosiect EESW

Ym mis Chwefror 2023, anfonodd EESW Arolwg Rhanddeiliaid i gael adborth ar ein gweithgareddau a'r effaith gawson nhw at athrawon, beirniaid gwirfoddol, peirianwyr a chynrychiolwyr prifysgolion. Cawsom ein syfrdanu gan nifer yr ymatebion a'r sylwadau cadarnhaol a ddaeth i law, fel:

“Mae EESW yn darparu cysylltiad hanfodol rhwng addysg a'r diwydiant STEM. Mae hyn yn hollbwysig er mwyn meithrin cysylltiadau, ehangu'r cyfleoedd i ddisgyblion a'u helpu i ganfod pa faes STEM sydd o ddiddordeb gwirioneddol iddyn nhw. Mae wedi fy helpu i ddatblygu fel gweithiwr proffesiynol STEM, gwella fy sgiliau cyfathrebu, a rhoi yn ôl i'r math o gynlluniau a helpodd fi i gyrraedd lle rydw i heddiw”

“Roedd prosiect Chweched Dosbarth EESW yn gyfleoedd anhygoel i'r disgyblion. Bob blwyddyn roedden ni'n cymryd rhan, a llwyddodd y disgyblion i fagu hyder ac ennill llwyth o sgiliau. Fe gododd yn rheolaidd yn ystod cyfweliadau prifysgol disgyblion. Mae'r cynllun F1 mewn Ysgolion wedi'i drefnu'n dda bob amser, a'r disgyblion yn ei fwynhau. Rydyn ni'n gallu ei addasu fel ysgol, ac mae wedi caniatáu i ni ei redeg mewn ffordd sy'n gweddu i'n hanghenion.”

“Mae disgyblion wedi cael mynediad at yrfaoedd o ganlyniad i'r gweithgareddau hyn. Maen nhw wedi cynnig cyfleoedd unigryw i unigolion a grwpiau. Mae'r gweithgareddau wedi codi proffil STEM ac wedi hyrwyddo gyrfaoedd fel opsiwn hyfyw i fechgyn a merched. Ar ben hynny, maen nhw wedi datblygu fy ymarfer fel athro a'm dealltwriaeth ddiwydiannol hefyd.”

Gallwch weld yr adroddiadau gwerthuso llawn yma:

Gwerthusiad STEM Cymru

Gwerthusiad STEM Cymru 2

Ariannwyd STEM Cymru I a II gan Gronfa Gymdeithasol Ewrop drwy Swyddfa Cyllid Ewropeaidd Cymru.  

Bydd elfennau F1 mewn Ysgolion a Denu Merched i Faes STEM yn parhau i gael eu darparu gyda chyllid gan Gyfarwyddiaeth Addysg Llywodraeth Cymru, a bydd Headstart Cymru yn cael ei ddarparu yn 2023 gyda chyllid drwy'r Cymoedd Technoleg.  Mae EESW wedi sicrhau cyllid gan Gronfa Ffyniant Gyffredin y DU i gyflwyno prosiectau i2E yng Ngheredigion, Conwy a Wrecsam.